كيكة الكويت محرمة على المواطنين

يستاء مزاجي جدا وافقد السيطرة علي غضبي ،، عندما اسمع احد يردد مقولة الكويت طارده للعماله الوافده !!!

تعالوا نحسبها مع بعض ونشوف من الي من قلب من قلب يفكر انه يهاجر الكويت الوافد او المواطن !!

بالاول: العمل

الوافد يستطيع ان يجمع في العمل في القطاع الحكومي و الخاص تلقاء الوافد يشتغل الصبح في وزارة مراسل او طباع و بالليل تحصله سايق يوصل طلبات حق مطعم او صبي بالقهوه !! أما الكويتي لا يستطيع ان يجمع العمل في القطاع الحكومي او الخاص وتأمينات الاجتماعيه وديوان الخدمه يلعب في حسبته ويعاقبه اذا جمع بين وظيفتين و الوافد يستطيع ان يخلق شركة واهو يعمل في القطاع الحكومي بينما الكويتي مالك امل ولو فيه امك خير حط اسم الشركه او المؤسسه بأسمك لازم يكون بأسم الوالد اذا متقاعد او الوالده متقاعده او ربة منزل وتعال اذا صار جذيه راح يقطعون الإعانه عن اخوانك الي يدرسون في الجامعه او التطبيقي و يقطعون معاش اختك المطلقه كل هذا عشان فتحت بقاله بأسم احد والدينك، كارثه انت خلقت لتكدح من اجل شنو لا شيء حتى الطموح قتلوه في روح الموظف الحكومي المواطن يشتغل ويتعب ويجي واحد معاه واسطه ويصير مسؤوله لووول كارثه واذا رديت البيت لقيت فرقة الازاله قاعده تكسر في حديقة منزلك و مظلة سيارتك اهني شنو يصير في المواطن الكويتي مع انه في عمارات في حولي جدامهم حدايق ومظلات للحين ماشالوهم شر البليه مايضحكني !!

ثانيا: المكده ( الكروه) سواق التاكسي الخاص!!

الكويتي لا يستطيع ان يكد علي سيارته الخاصه وخير مثال سواق الوانيت من اول مايحمل عبريه تلقى الدوريه تصفطه وتخالفه وتلقى المواطن الكويتي مسكين، المعيشه غاليه حيييل تكسر ظهره و المخالفه تحطم حلمه بأن يأكل اليوم ام العيال كنافه !! بينما الوافد تشوفه يسوق سيارته الخاصه اللادا او كرسيدا قديمه ويحمل عبريه ويوصلهم و يردهم ويسرح بالشوارع محد يخالفه ليش عبالهم عمال والسايق اهو المقاول !!

ثالثا: الصحه !!

الوافد يستطيع ان يحصل علي افضل العلاج بالمستشفيات الحكومية برخص التراب واحد دينار فقط هو قيمة الطابع من غير التأمين الصحي ال 11 دينار السنوي ولا بعد يستطيع ان يحجز غرفه خاصه ويزاحم المواطن بالدور علي دخول للدكتور و بعيادة الاشعه و كذالك يحصل علي الجبس ببلاش و الشاش ببلاش و الابره ببلاش و السرير ببلاش اذا كان عمومي و الاكل ببلاش و الشرب ببلاش بينما المواطن الكويتي تلقاه يحوس يحووس عشان بس يشتري راحته بالمستشفى وياخذ غرفه خاصه مو عشانه يتدلع لا والله انما هي ريحة الجناح العمومي تصرع القطو الصاحي فما بالك بالمريض التعبان الي يدور راحته وعلاجه، اهني يضطر المواطن الكويتي على طلب غرفة خاصه وياسواد لليله اذا لقاء وافد ساكن في الغرفه ومايبي يطلع لانه الغرفه سعرها رمزي و الاكل فيها و الشرب و الحمام الخاص و التلفزيون ببلاااااشش و وين تحصلك وافد يبي يطلع من هالعز الي مايلقاه في ديرته مالك امل يهد الغرفة و شوف عيني بمستشفى الفروانيه جابوا الشرطه عشان يطلعون احد الوافدين من الغرفه لانه خلااااص تشافى من المرض منذو اسابيع وموراضي يهد الغرفه ، مما ترتب عليه ازدحام الدور علي الغرفه من قبل المواطنين المساكين ..!!!

ها اكمل  !!

اشرايكم منو يفكر يهاجر الكويت الوافد او المواطن

عندما افتر في مقاهي السالميه طقة كلاسيكال و اخواتها او مقاهي البدع او المنطقة الحره والله يا اخوان ما اشوف غير الوافدين الي يطلبون ويترسون طاولاتهم بينما المواطنين علي قدهم حدهم حدهم شيشه سلوم وجاي او قهوه و كيكه هاههاهايي ليش لانه بعض الوافدين يصفط حق اخوه الوافد الخير ولا يرد الجميل للمواطن والكويت علي سبيل المثال تلقى البعض من الوافدين يشتغل محرر في جريده يوميه صباحا  و العصر معد برامج بالاذاعه  و بالليل كاتب مقال في مجله لا تقولون مايحصل لا يحصل وكله يعزف علي سلام ضبطني و اضبطك ،،

وهذا المثال واحد من عشرة امثله

وسلام مربع يا حكوووومه رشيده ،،

وحياكم علي الكيكة والسموحه الجيب فاضي هالايام